‏نصائح قد تحتاجها في حياتك

نصائح نجاح

1 - فالحياة ضروري غادي تعرض الصدمات را النجاح = الفشل هادي قناعتي ، الجميع كيفشل ولكن الاختلاف كيبقى فكيفاش تغلبتي على الفشل معمرك تأنب راسك بسبب الفشل خود كتجربة لاعب كرة السلة مايكل جوردن جراو عليه من فريق ديالو في الثانوية او قالو ليه أنه ميصلحش يكون لاعب كرة سلة ولكن هادشي ممنعوش باش يكون من أحسن لاعبي كرة السلة في التاريخ والأمثلة كثيرة .

2- بعد من الناس لي ماغادي تفيدك بوالو وخى يكون هاد الشخص هو صديقك المقرب ، و ديما علاقتك بناس تكون صادقة معمرك تخون شي واحد عطاك الثقة عتابرك أعز شخص ليه متخيبش ضنو فيك .

3 - صارح أي واحد بينك او بينو مشكلة ، وناقش معاه سبب المشكلة متخليش داكشي ف قلبك حيت عند تأتيرات قوية من بعد .

4 - الحياة ماشي هي كول وشرب و خدم و تزوج وغرق كرديات متكونش من ضحايا السياسة الرأسمالية .

5- أية حاجة غادي تخليك فرحان ديرها وخى تكون عكس العادات والتقاليد بشرط أنك متعداش المعتقدات ديالك سطر على المعتقدات باش متندمش مستقبلاً .

6 - سافر بوحدك أو مع أصدقاء ديالك حاول تكتاشف أماكن تعرف على ناس جداد ثق بيا العالم فيه ناس مزيانين ، الحياة ماشي هي الحي ديالكم أو الخدمة أو المدرسة ، را الله سبحانه وتعالى قال فالقرأن الكريم : " يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ" مفهمتيش رجع النصيحة رقم ربعة غادي تفهم .

7 - الانسان مغاديش تفهمو را الفلاسفة على مر التاريخ حاولو ومقدروش ، تصرف مع كل واحد على حسب العمر ديالو على حسب طريقة التفكير ديالو .

8-الأحلام واحد الحاجة مقدسة خصك تحافض عليهم وحاول بجميع الطرق تحققهم ، كيما قال الكاتب البرازيلي باولو كويلو " الحلم هو غذاء الروح كما ان الاطعمة هي غذاء الجسم" الحلم ديالك هو لي كيخليك تفيق فصباح وتقاوم باش تحقو معمرك تخلى عليه بسب شي حاجة ثانوية .

9 - قرى ديما وخى غير فقرة فيها 10 ديال السطورة وخصوصاً كتب التنمية البشرية وبناء الذات .تفرج ف الفيديوهات التحفيزية كتعاون بزاف بنسبة ليا طبيب نفسي مجاني . ثقف راسك براسك . بعد من قنوات الصرف الصحي را والله ماغدي تفيدك ب شي حاجة غير المستوى الثقافي ديالك غادي يهبط .

10 - إلى كان شي نقاش بعقلو متبقاش غير ساكت دائماً قول الرأي ديالك واخا ميعجبش الناس بهاد الطريقة كتغلب على عوائق بزاف و كتقوي الشخصية ديالك ، دافع عن الأراء ديالك بحجج و تعلم تدوي شوية وتستمع بزاف

11 - مديرش صداقات بزاف حيت غادي تندم فالاصدقاء بزاف مكتعنيش انك ناجح اجتماعيا ، حاول ما امكن تكون ايجابي .فواحد مرحلة فعمرك غادي حاولو الافكار السلبية يسيطرو عليك ولكن كون Positive.

12 تعلم ان الناس ماشي كاملين كيفرحو لانجازتك ونختموها بالمقولة لي كتقول : الآخرون لا يكرهونك .. بل يكرهون فشلهم الذي يبدو ناصعا في نجاحك...