قصتي مع صحبي و الجوان

انا واحد صاحبي ديما تنمشيو نتكيفو فواحد الكوان بعيد شويا على الحوما واحد نهار مشينا كيما القاعدة يلاه كمينا جوان لول قاليا غي ريح اعشيري تكيف مع راسك انا نمشي النعس منوغش شويا صافي مشا بقيت بوحدي جوان مورا جوان تتبربقت مزيان كانت فالساعة شي 3 ديال ليل تقادا الحشيش الكارو مبقا والو ونا نجمع الوقفا مشيت فحالي الدار طحت نعست
مفقت تال 2 ديال النهار فايق معبج اومقطوع قلت نمشي عند عشيري رشيد اكون فاق بكري منين نعس بكري راه اكون ضبر على شي طريفة مزيانة اعتقنا بشي جوان
هي هاديك وانا غادي لدارهم شفت اخوتي العجب كانت دارهم معزولة بوحدها اومسقفة غي بلقزدير حتى لقيتها ولات فيلا واعرة اوكبيرة متيقتش تنقول ميمكنش معمرها كانت شي فيلا هنا منغير البراكة ديال عشيري رشيد
ياربي اش هادشي واش تصطيت ولا مينكنش والله تنمشي ندق
دقيت حلات عليا درية تيتيزة قلت مع راسي هنا قودتها وقيلة دقيت على شي مسؤل غدي اصيفطني الحبس
قالت ليا اشحب الخاطر علامن تتسول
بكترة التلفة قلت ليها واش كاين سي رشيد عولت غدي تقوليا لا اخويا راك غلطتي فالعنوان نقوليها سمحي ليا اونمشي فحالي
اوهي تجاوبني قالت ليا كاين شكون نقوليه اسيدي
قلت ليها قوليلو عبدو صاحبك
مشات دخلات شويا رجعات قالت ليا تفضل راهوا تيتسناك
دخلت اشغادي نعاود ليكم داكشي لي شفت راه بزاف
قصر قصر طوموبيلات غي مساتفا تيتيز تيتصخر عليه
شافني اوعنقني قلت ليه كي درتي ليها اعشيري غي لبارح كنتي مقودة عليك ليوما القصر الحديد تيتيز
قال ليا البارح ونا راجع الدار بدلت طريق لي موالفين ندوزو منها دزت على الدار المهجورة لي رايب نصها
لقيت 3 ديال صطولة مسدودين كنت مقلق ضربت واحد برجلي تطارت الغطاية اوهوا اخرج ليا واحد جن
قاليا عتقتيني 80 عام ونا مسدود عليا فهاد الصطل طلب دبا اش بغيتي نحققو ليك
انا كنت مخلوع معرفت منطلب ليه صارحتو بالخوف ديالي اوبقا تيضحك داك جن او اعطيني 3 ديال البيضات
قال سير تالدار اوستراح اوفينما بغيتي شي امنية هرس بيضة اوطلب طلبة وحدة فكل بيضة غدي تحق ليك
هي هديك درت داكشي لي قال ليا هرست البيضة لولة اوطلبت البراكة ديالنا تولي فيلا اوهي تفركع ولات كيما شفتي
اوهرست البيضة التانية اوطلبت شركة خدامة بلكليان ديالها تتمشي معايا نوريها ليك
او البيضة 3 هرستها اوطلبت 8 الحديدات اخر مكين هاهوما قدامك
خلاني غي حال فمي قلت ليه ضور معايا خليني نمشي نشرب طريفة نتكيف نبرد على غدايدي علاش منرجعش معاك البارح كون راه هادشي ديالنا بزوج
بقا تيضحك جبد ليا 10000درهم اوقاليا سير دي شي قريعة مزيانة اوزهي القضية اودوز من طريق لي قلت ليك عليها راه كانو 3 ديال صطولة 2 مسدودين او واحد محلول انا حليت لاخر اوباقي واحد مسدود سير حلو على الله تعتق شي جن او اعتق تنتا
شديت لعاقا اومشيت درت داكشي لي قال ليا ديت طريفة او المرتال او واحد الفودكا اوريحت فالكوان ديالنا ديال ديما بقيت تنشرب اونتكيف تدارت شي الوحد ديال ليل
ونا نقصد الدار المهجورة بانو ليا صطولة من البعد منكدبش عليكم شداتني الخلعة ولكن مع الفودكا خدمات زادت زعماتني
زدت قربت ونا نلقا 2 صطولا محلولين واحد باقي مسدود
غمضت عيني ونا نفتحو بشاخ خرج ليا جن تانا
بقيت تنترعد
فاليا شبيك لبيك عتقتيني 80 عام ونا محبوس طلب اش بغيتي نحققو ليك
تفكرت داكشي لي قاليا عشيري رشيد
طبقتو بالحرف
قلت ليه راني مخلوع شويا او ماعرفت منطلب
بقا تيضحك او هوا اجبد 3 ديال البيضات قال سير تالداركم او رتاح اوفينما بغيتي شي امنية هري بيضة اوطلب امنية غدي تحقق ليك فالحين
شديتهم بالفرحة او غادي زربان مع كنت سكران غدي اوتنميل اوتنقول غي نتصوفا بحال عشيري
زلقات ليا بيضة من ايدي طاحت تهرسات شفت فيها ونا نقول القلاوي على بلان
ونا نولي كاملي قلاوي وجهي عيني صحتي كاملة قلوات
كارتة صافي اشنو الحل اشنو المعمول
فكرت غدي نهرس بيضة اونطلب امنية اتحيد عليا هاد القلاوي كامل
هرستها اوقلت امنيتي اتحيدو عليا هاد القلاوي لي فصحتي كلهم
ناري علا بلان تحيدو حتا قليواتي باش كنت خدام تحيد كولشي
ناري على كارتة عوتاني اشداني كاع ندوز منهنا طلعنا رجال بقلاوينا صدقنا بلاش
اشنو الحل اشنو المعمول بقات بيضة وحد نهرسها اونطلب ارجعو ليا غي قليواتي باش كنت خدام ههه
داكشي لي درت هرستها اوطلبت طلب الاخير ارجعو ليا غي قليواتي
اورجعت فحالي الدار مرابح مخاسر
اومشات خبيرتي من واد الواد ههه
الى كملتي القصة متنساش جيم اولا شي ضحيكة الغرض من هاد التعليق هوا نسيك فهاد الفيديو لي معندو باش انفعك تحياتي هه