نصائح لتعامل مع بنات الناس

نصائح لتعامل مع بنات الناس

حل عينيك مزيااان و ستافد 

1-الا قالت ليك حبيبة را جاوني الخطاب اش نديرو دابا قول ليها صافي الله يعاون بغات تعصبك عصبها نتا اللول حيت لي جاوها الخطاب ماغاتعقلش على ديلمك فين بايت 

2-البنت فاش تشاورك فشي حاجة : حبيبة نحط هاد طوف ولا بلاش نلبس هاد اللبيسة ولا بلاش عرفها غا طالقاها ولي فبالها غي بغات تعرف داك الراس اش عندك فيه 

3-ديك خيتي لي تاتقوليك ديزولي بب مانقدرش نخرج معاك ليوم غادا عند خالتي حضي من ديلمها الدرية ماتاتمشيش عند خالتها بزاف حيت فيها تبركيك ولا فحالة كان عندها شي ولد خالتها تايقاد ليها الميزاج راها ماغاتحيدش من حداه 

4-الدرية لي كاتنگر عليك و تغير عليك بزااف عرفها مزعوطة فيك اتبي و الا ماكانت لا حلوة لا والو هرب بحالك راك غا غاتمرض دماغك 

5-صحابات نتا اول واحد فحياتي ضرب مها بشي دماغ و شد صاك قلبو غاتلقا تيليفون نوكيا بيل وواحد اخور ايفون 6 مافيه تا خبشة و فيه بوشيطة فذهبي 

هاديك تيقولو ليها هاربة دو كلاس 

7-لي كاتلقا ضفارها مصبوغين مزياااان و غالبا صباغة فالحمر ولا الكرونة هاديك مسمووومة و شبعانة حسابات و لي فراس جمل فراس الجمال 

8-ديك لي باركة عليك ناري صدعني عماد .. ويلي رشيد ديما تابعني ... ناري عصام اش قالي .. كون تشوف نوردين الخ الخ .. قلب ليك على برتوش مليح درية تابعينها العنابة و هي فيها الفارة

9-ديك لي ديما فارعا ليك راسك بباها .. دار بابا قال بابا عطس بابا .. شرالي بابا عرف راها مفششة بزاف و شبعانة حنان من عند باها و داك نوع تايكون متفتح بزاف لدرجة الا بستيها تقول لباها را فلان ماتايعرفش يبوس .. فهاد الحالة بغيتي تاكل الحلوى تفاهم مع بابا 

10-الا قالت ليك حبيبى را ماما قرات الميساجات لي بيناتنا و دابا هي عارفة كلشي اس نديرو قول ليها تسناي نكمل واحد الهضرة مع فتيحة بنت جيرانا و نفكر ديك ساعة سد عليها دغيا قبل ماتولي تفكر فاللبسة ديال العرس 

11-لقيتي البنت لي تفهمك و ماتطيحش ليك كلامك للارض ديرها فعينيك و خليها حلالك نهار تشدها الدودة ديال التقردين و التحرميات صدرها بزربة ماكايناش غا هي

12-ماتبقاش مطيح ريوكك على من والا و عمرك تتعنب فحياتك را ماعندنا لعبة من غير الكرامة ديالنا و البنت را تتبغي بنادم يكون راجل ماشي عنيبة 

13-كنتو قصارين فشي برتوش منين تكونو غاديين قلب حوايج كاملين لي كنتي جايب را بأبسط حاجة تقدر تحركليك المجامر و ترضك بحال الضبع 

14 -درتي عقلك و بغيتي تخطب لقيتي الدرية المناسبة دخلتي لدارهوم مع عائلتك و لقيتي غا مها لي داوية و باها بحالا واكل الخنونة حسل ليك بدل العتبة را هادوك دايرين شراكة مع ابليس 

15-الا كنتي تتسناني ندوي على حجابي عفتي و مشتقاتها غا نوض شوف لي يكويك 

الا طولت عليك غا باش تستافد بلا عوارض جانبية 

والله يساهل على كولشي

إلا عجبك الموضوع بان بشي كمنطير زوين و بشي جيم